ELSA CABRERA…

ELSA CABRERA…

Siya ang nagniningning na ilaw ng tahanang ito.  Lubos siyang pinaglilingkuran ng kanyang asawa at lubos na iginagalang ng kanyang mga anak.

Si Elsa ay namuhay ng buong tiyaga at puno ng pangarap.  Ginawa niyang inspirasyon ang pamilya at pag-aaral upang makipagsapalaran.  Hindi man niya lubusang nakamit ang mga pangarap, nakatagpo naman siya ng isang lalaking bigay ng Diyos na siyang pumuno ng lahat ng kakulangan.

Siya ay isang “Ina” na mapagmahal at masuporta.  Hindi man niya ito maipamalas ng lubos dahil sa mga alalahanin ngunit sa kaibuturan ng kanyang puso, itoy nag-uumapaw at siksik.  Sa kabila ng kanyang mga kahinaan, kitangkita sa kanyang mga mata na hinding-hindi siya magagapi ng mga pagsubok sapagkat buhay na buhay sa kanya ang Salita ng Diyos.

“Masipag, Masikap at Matatag”-iyan ang kanyang larawan.  Basta’t kaya ng kanyang katawan, siya’y walang sawang kikilos at gagalaw; mapabahay o mapasimbahan.  Hanggat marangal ang trabaho kahit hindi kataasan ang kita, kanya itong susubukan.  Higit sa lahat, siyay mapagpakumbaba at malambot ang puso.  Bagamat siyay iyakin at mahina ang loob, hindi siya mariringgan ng mga negatibong pananalita dahil ang mga pangako ng Diyos ang kanyang kalakasan.

            Iyan si Elsa.

“Ikaw ay lubos na mapalad sa kinalalagyan mong buhay ngayon.  Lagi mong tandaan na ako ang kumukontrol sa lahat ng nagaganap sa’yong pamilya.  Hindi ko bibigyan ng tagumpay ang sa pamilya mo’y gugulo.  Ang katuparan ng aking mga pangako’y bumubuhos na kaya’t panatilihin mong nakakapit ng mahigpit sa aking mga salita upang itoy dumaloy sa’yo pababa sa’yong pamilya.  Dakila ang aking katapatan, …Hesus”

Written by Yhang2013.

BELARMINO “Mhen” CABRERA.

I contribute this written blog to the nearest Birthday of my beloved Dad&Mom (Month of May.)

Pls, utter a prayer for them. Thank you so much.

The Lord bless u to overflowing!

BELARMINO “Mhen” CABRERA…

Siya ang matibay na haligi ng aming tahanan.  Lubos siyang minamahal ng kanyang asawa at lubos na ipinagmamalaki ng kanyang mga anak.

Si Mhen ay lumaki sa pamilyang mahirap ngunit punungpuno ng pag-iibigan.  Sa kanyang pagsisikap, nakakuha siya ng isang marangal na trabaho sa isa sa mga nangungunang kumpanya ng sasakyan.

Mapapansin rin na napakalaki ng puso niyang mabigyan ng kaluguran ang Diyos sa bawat panahon ng kanyang buhay kaya naman ang kanyang pamilya ngayon ay masigasig na naglilingkod sa Diyos at sa kanilang kapwa.  Kinahabagan din siya ng Diyos na gamitin upang magkaroon ng Bible-Study sa kanyang pinapasukan.

Siya rin ay mahilig magtanim at mag-alaga ng hayop.  Mahusay siya sa pagpaplano at pagsasakatuparan ng mga napagkasunduan.  Hindi siya palaimik na tao, pinagiisipan niya ang lahat ng kanyang sasabihin kung ito’y mabuti.  Kilala rin siya bilang masayahing tao.

Marami siyang kalakasan ganon din ang kahinaan.  Mga kalakasang nagbigay sigla upang siya’y magpatuloy sa hamon ng buhay at paglilingkod sa Diyos.  Mga kahinaan din namang lalong nagpatibay sa kanyang paniniwalang “Hindi mabubuhay ang tao ng wala ang Diyos.”

            Iyan si Mhen.

“Tumindig ka! Magpakatatag ka! Isa ka sa aking nahirang upang makitaan ng aking buhay.  Lahat ng pagsubok at tukso ay mapagtatagumpayan mo dahil kasama mo Ako.  Isa kang kayamanan para sa iyong pamilya at pagpapala sa’yong trabaho.  Lalo kang magtiwala sa Akin at sa Ama dahil lahat ng aming ipinangako ay magaganap lahat… Hesus”