TAKE LIFE EASY

TAKE LIFE EASY

1.No matter how beautiful and handsome you are, just remember Baboon and Gorillas also attracts tourists. STOP BOASTING!

2.No matter how big and strong you are, you will not carry yourself to your grave. BE HUMBLE!

3.No matter how tall you are, you can never see tomorrow. BE PATIENT!

4.No matter how light skinned you are, you will always need light in darkness. TAKE CAUTION!

5.No matter how rich and many cars you have, you will always walk to bed. BE CONTENTED!

Love God above all,

Rina Yhang.

cabreraflorina.blogspot.com

ios.florinac@gmail.com

PASSION

Those who keep their Passion to themselves seldom if ever succeed.

You need to transmit your Passion.

Passion needs to have 3 things in order for it to bring success.

1.It needs to contribute to society.

2.It needs to resonate with others people’s Passions.

3.It needs to inspire other people to realize their own Passions.

Passion without all of those 3 key elements is nothing but self-absorption. You’re just doing it to prove your worth, that you’re better than the rest.

That’s selfish. The world needs none of that.

And you’ve got nothing to prove to the world.

They won’t give you smile.

Share your passion,

Rina Yhang.

cabreraflorina.blogspot.com

ios.florinac@gmail.com

GO THE EXTRA MILE

If anyone press you into service for one mile, go with him for two miles.

-Matthew 5:41

In my experience, there are five types of poverty mentality. The “Trapped Belief” says, “I was born poor and will remain poor for the rest of my life.”

The “Juan Tamad Belief” says, “No amount of effort can make me rich, so I will just be lazy for the rest of my life.”

The “Wish-Ko-Lang Belief” says, “My only chance to become rich is to win the lotto or who wants to be a millionaire show.”

The “Rich-Is-Evil Belief” says, “I hate the rich and don’t want to become rich. The rich demean and oppress the poor.”

Finally, the “Con Belief” says, “Because the rich are evil, let’s cheat and steal from them so they’ll be miserable as us.”

But the Gospel teaches there’s a sure-fire way to become affluent. And that’s to go the extra mile. We don’t just give what we can. We give our very best and never stop improving, never stop giving. This is what Anglican theologian John Wesley meant when he said, “Work… earn… save… give as much as you can.”

Real wealth is enriching your life so that you can enrich others. Go the extra mile, my friend, and all these things shall be added unto you.

Written by Obet Cabrillas

PAGMAMAANG-MAANGAN

Ang tao ay tumitingin as panlabas na anyo, ngunit ang Panginoon ay tumitingin sa puso.

1 Samuel 16:7

“Wala akong alam diyan,” sagot ng isang pulitiko sa paratang sa kanya tungkol sa iskandalong kinasangkutan niya. Karaniwan sa ginagawang palusot ng mga kilala sa lipunan ang magmaang-maangan. Kunwari wala silang nalalaman sa mga nangyari para makaligtas sila sa iskandalo.

Minsan, maging tayong mga nagtitiwala kay Cristo ay nagpapalusot din. Nagmamaang-maangan tayo sa mga kasalanang ginawa natin. Minsan binibigyan pa natin  ng katwiran ang ating kasalanan o kaya naman ay isinisisi sa iba. Ngunit hindi tayo makakalusot sa Dios. Sinasabi sa 1 Samuel 16:7 “Ang tao ay tumitingin sa panlabas na anyo, ngunit ang Panginoon ay tumitingin sa puso.” Alam ng Dios ang nilalaman ng ating puso’t isipan, malinis man ito o hindi. Maaari nating dayain ang iba ngunit hindi natin madadaya ang Dios dahil nalalaman Niya ang tunay na nilalaman ng ating puso.

Kaya ang pinakamabuting gawin ng mananampalataya ay ipahayag ang kanyang mga kasalanan sa Dios. Nais ng Dios na aminin natin ang totoo (Awit 51:6.) Ang tanging paraan para makawala sa mapait na bunga ng kasalanan at mapanumbalik ang pakikisama sa Dios ay magsisi at aminin ang kasalanan sa Dios.

Isinulat ni: Bill Crowder

“Maawa ka, Panginoon, ako’y Iyong kahabagan,

Ikaw ay nalungkot sa aking kasalanan,

Ngayon po’y pag-alabin ang aking kagustuhan

Na ang kasamaan ay lubos na layuan.”

MAAARING MADAYA NATIN ANG IBA PERO HINDI NATIN MADADAYA ANG DIOS.

TANGING PAG-ASA

Mamuhay nang… matuwid at banal… habang hinihintay natin ang mapalad na pag-asa.

-Tito 2:12-13

Isinulat ng isang manunulat, “Nang bago lang akong mananampalataya, masaya kong pinag-iisipan ang muling pagbabalik ni Jesus. Inaasam ito ng mga mananampalataya. Isa itong napakagandang pangako. Tema din ito ng ilan sa mga awit na kinakanta namin sa Panginoon.

Ang muling pagbabalik ni Jesus ay naging isa sa mga paborito kong paksa sa aking pagtuturo, pagmemensahe at pagsusulat. Pero dahil sa mga nangyayari ngayon sa mundo, mas lalo pa itong naging mahalaga sa akin. ‘Mapalad na pag-asa’ ang tawag ni Pablo dito noon. Pero ngayon, kitang-kita na natin na ang pagbabalik ni Jesus ang tanging pag-asa ng mundo.

Kung tao ang ating aasahan, walang solusyon ang mga problema sa mundo. Laging bigo ang mga pinuno ng iba’t ibang bansa sa mga solusyon nila sa mga problema ng lipunan. Ang tanging solusyon ay mangyayari sa pagbabalik ni Jesus. Pagbalik Niya, itatatag Niya ang Kanyang kaharian, pamamahalaan Niya ang mundo at “ang lupa ay mapupuno ng kaalaman ng kaluwalhatian ng Panginoon” (Hebreo 2:14.)

Sa paghihintay natin sa pagbabalik ng Panginoon, lagi tayong manalangin. Paglingkuran natin Siya at maging handa “habang hinihintay natin ang mapalad na pag-asa” – ang tanging pag-asa ng mundong ito.

Isinulat ni: Richard de Haan

“Sa pagbabalik ng Panginoong Jesus,

Ikaw, Panginoon ay pupurihing lubos;

Ang Iyong pagbabalik ay aming hinihintay;

Buong pananabik kaming nagbabantay.”

HABANG DUMARAMI ANG KASAMAAN SA MUNDO, LALONG NAKIKITA ANG PANGANGAILANGAN NG PAGBABALIK NI CRISTO.

SALAMAT SA DIOS

Sa opisina ng RBC Ministries sa America ay may mga card na maaaring ibigay sa mga ka-opisina. Sinusulatan ito ng pasasalamat o pagpapalakas-loob. Kapag may magandang ginawa ang isang ka-opisina, maaari itong bigyan ng card na may nakasulat na munting mensahe.

Masarap ang pakiramdam kung pagpasok mo sa opisina ay may makikita kang card na naglalaman ng pasasalamat o pagpapasalamat sa iyong ginawa.

Hindi ba’t mas nagiging maganda ang samahan kapag alam mong hindi binabalewala ang iyong mga ginagawa? Hindi ba’t nakakatuwa kapag napapahalagahan o pinapasalamatan ang iyong mga ginawa?

Natutuwa ang lahat kapag pinasasalamatan. Natutuwa rin ang Dios kapag pinasasalamatan natin Siya. Nais ng Dios na lagi tayong nagpapasalamat (1 Tesalonica 5:18.) Sinabi pa sa Hebreo 12:28 na pasalamatan natin Siya at sa pamamagitan nito, sinasamba natin ang Dios.

Lagi tayong humanap ng mga paraan kung paano pa natin mapapaganda ang ating relasyon sa Dios. Huwag nating kalilimutan na ang pagpapasalamat sa Dios ang isa sa mga mahalagang paraan ng pagsamba at pagpaparangal sa Kanya.

Isinulat ni: Dave Brannon

“Ang Dios ay papurihan, Siya’y parangalan

Kanya ang kaluwalhatian, karangala’t karunungan;

Mga anghel sa kalangitan, Dios ay papurihan;

Pag-ibig Niyang walang-hanggan,

Laging pasalamatan.”

ANG PAGSAMBA NA KATANGGAP-TANGGAP SA DIOS AY NAGMUMULA SA MAPAGPASALAMAT NA PUSO.

POLUSYON

Lagi ninyong sikapin na ang pangungusap ninyo’y… pakinabangan ng mga nakakarinig.

-Efeso 4:29

Matindin talaga ang problemang dulot ng polusyon. Ang lahat ay naaapektuhan nito, pero kung tutuusin, sa atin din ito nanggagaling.

Iba’t iba ang mga polusyon, pero may isang uri ng polusyon na hindi nabibigyang-pansin. Ang tawag dito ng mahusay na mangangaral na si Charles Swindoll ay ‘polusyong nagmumula sa mga sinasabi.’ Kasama dito ang pagrereklamo, panghuhusga at pamimintas.

May magbabarkadang mananampalataya na nagkaisang solusyunan ang ganitong uri ng polusyon. Gumawa sila ng kasunduan na wala silang sasabihing anumang makasisira sa iba. Nagulat sila, dahil halos hindi na sila nagsasalita. Puro paninira pala ang kanilang mga sinasabi noon. Natuto na silang mag-ingat sa kanilang mga sasabihin.

Sa Efeso 4, sinabihan ni Pablo ang mga mananampalataya na magpasyang magbago. Sinabihan niya sila na ‘hubarin’ ang dating pamumuhay at pag-uugaling nakakasakit sa Banal na Espiritu. Kailangang ‘isuot’ nila ang ‘bagong pagkatao’ (talatang 23, 30, 24.) Umasa tayo sa tulong ng Banal na Espiritu (Galacia 5:16) para mabago natin ang ating ugali, mga iniisip at mga sinasabi.

Kung nais natin na huwag maging isang polusyon ang ating mga sinasabi, kailangan nating humingi ng tulong sa Dios at magbago. Ito ang magandang simula ng paglilinis ng polusyon sa ating buhay.

Isinulat ni: Joanie Yoder

“Huwag magsasalita ng anumang masasama,

Ng walang katuturan at hindi magaganda,

O Panginoon, paano ko po magagawa,

Ang perpektong paraan ng pagsasalita?”

LABANAN ANG POLUSYON – MAG-INGAT SA MGA SINASABI.

MAS MAHALAGA

Ibig mo bang gumaling?

-Juan 5:6

May kilalang nobela kung saan ang unang tagpo ay sa isang lugar sa America na dumaranas noon ng matinding tagtuyot. Namatay ang tanim ng mga magsasaka at bumagsak pa ang ekonomiya. Sa kabila nito,  hindi pinanghihinaan ng loob ang mga asawa’t anak ng mga magsasaka dahil nakita nila na hindi sumusuko ang mga magsasaka. Halos wala na silang makain, pero sa halip na isipin ang kanilang mga pangangailangan, mas pinahahalagahan nila ang pagiging matatag. Mas pinahalagahan nila ang kanilang dapat harapin kaysa sa kanilang pisikal na kalagayan.

Si Jesus naman ay mayroon ding mas pinahahalagahan kaysa sa pisikal na kalagayan ng tao. Minsan, may nakilala Siyang 38-taon nang may sakit. Pinagaling ito ni Jesus, pero maya-maya ay sinabi Niya rito, “Magaling ka na ngayon! Huwag ka ng gumawa ng kasalanan at baka masahol pa riyan ang mangyari sa iyo” (Juan 5:14). Hindi sapat para kay Jesus ang ayusin lang ang pisikal na kalagayan ng lalaking iyon. Mas mahalaga para sa Kanya na maging maayos ang espirituwal na kalagayan natin.

Kung hinahangad natin na pagpalain tayo ng Panginoon at tugunan Niya ang ating mga pangangailangang pisikal, hindi natin Siya gaanong makilala. Pero kung sasampalataya tayo sa Kanya, at hahangarin na lalo Siyang makilala, tutugunan Niya ang ating mga pangangailangang espirituwal. Ito ang lalong mahalaga.

“Salamat po, O Dios, sa Inyong Salita

Na ginamit ninyo upang sa aki’y ipakita

Ang aking mga espirituwal na pangangailangan

Na natugunan nang kayo’y sampalatayanan.”

TANGING ANG DIOS ANG MAKAKATUGON SA ATING MGA PANGANGAILANGANG ESPIRITUWAL.

MAGLIGTAS ANG TRABAHO

May kagalakan sa harapan ng mga anghel ng Dios dahil sa isang makasalanang nagsisisi.

-Lucas 15:10

Sa Colorado na aking tinitirhan ay maraming bundok kaya natuto akong umakyat sa bundok na mahirap akyatin. Tuwing bakasyon, may nakikita akong mga tao na aakyat sa bundok na hindi nakasuot ng angkop na damit. Kauting tubig lang ang dala nila at wala silang compass. Wala silang alam tungkol sa tamang patakaran sa pag-akyat sa bundok.

May kapitbahay kami na boluntaryong tumutulong sa paghahanap sa mga taong naliligaw sa bundok. Magligtas ang misyon nila. Inililigtas nila ang mga taong naligaw sa bundok kahit hindi sinunod ng mga ito ang tamang patakaran sa pag-akyat ng bundok.

Pagliligtas ang pinakamensahe ng Biblia. Sinabi ni Pablo na hindi tayo karapatdapat sa habag ng Dios. Tulad ng mga naligaw sa bundok, wala tayong magagawa kundi humingi ng saklolo. Binanggit niya ang sinulat sa Awit, “Silang lahat ay naligaw… walang sinumang gumagawa ng mabuti” (Awit 14:1-3; Roma 3:10-11.)

Ito ang magandang balita: Sa kabila ng ating kalagayan, hinahanap pa rin tayo ng Dios at sinasaklolohan kapag humihingi tayo ng tulong. Maaari nating sabihin na magligtas ang trabaho ng Dios.

Isinulat ni: Philip Yancey

Pag-isipan ang mga sumusunod: Bakit hindi ka humihingi ng tulong sa Dios sa iyong espirituwal na kalagayan? Akala mo ba na hindi mo Siya kailangan? Natatakot ka na hindi mo Siya kailangan? Natatakot ka ba na hindi ka karapatdapat sa biyaya ng Dios? Ano ang itinuturo sa Roma 3:23-26.)

ANG TUNAY NA PAGSISISI AY PAGTALIKOD SA KASALANAN AT PAGSUNOD SA DIOS.

LAGING MAAASAHAN

Ililigtas Niyo ako sa pamamagitan ng Inyong lakas.

-Awit 138:7

Si Edwin van der Sar ang maaasahang goalkeeper ng Manchester United, isang kilalang team sa larong soccer. Bilang goalkeeper kailangan niyang harangan ang mga bolang papasok sa net nila para hindi makapuntos ang kalaban. Maliksi ang kanyang mga kamay at katawan. Maaasahan siya sa pagsalo ng bola. Sa loob ng labinlimang magkakasunod na laro ay walang bola na hindi niya nasalo kaya hindi nakapuntos ang kalaban. Pero hindi sa lahat ng panahon ay maaasahan siya sa pagsalo ng bola. Noong Marso 2009, hindi niya nasalo ang bola at nakapuntos ang kalaban.

Lalong maaasahan ang Dios. Dahil sa Dios, panatag ang kalooban  ni David. Isinulat niya sa Awit 138 na inaasahan niyang iingatan at ililigtas Siya ng Dios. Tulad ni David, makakaasa din tayo na nakahanda ang Dios na tulungan tayo para hindi bumagsak ang ating buhay espirituwal.

Ipinapahayag din sa Judas 24-25 na iingatan ni Jesus ang mga mananampalataya  para hindi sila magkasala at nang maiharap Niya sila sa Dios nang walang kapintasan. Hindi naman ibig sabihin nito na hindi na sila magkakasala. Ang ibig nitong sabihin, kahit bumagsak ang mga mananampalataya, hindi sila tuluyang lalayo sa Dios kaya magagawa pa rin ng Dios na itayo sila sa kanilang pagkakadapa. Hinding-hindi kailanman pababayaan ng Dios ang mga mananampalataya.

Isinulat ni: C.P. Hia

“Walang makapaghihiwalay sa amin

Ng Dios na umiibig sa akin;

Kahit kamatayan o libingan,

Dahil ako’y Kanya kailanman.”

LAGING MAAASAHAN ANG DIOS.

HUWAG KALILIMUTAN

Mag-ingat ka… na baka malimutan mo ang Panginoon.

-Deuteronomio 3:11

Nakakatuwa ang larawan na aking nakita. Sa ibaba ng larawan ay ganito ang nakasulat: “Ang matandang Superman.” Ang matanda nang si Superman ay nakaupo sa pasimano ng bintana at akmang tatalon nang bigla niyang maisip, “Saan ba ako pupunta?”

Lahat tayo ay nagiging malilimutin. Kung minsan, nakakatawa ang pagiging malilimutin at minsan naman ay nakakainis. Pero kapag ang Dios ang ating nakalimutan, tiyak na magkaka-problema tayo.

Pinaaalahanan ni Moises ang mga Israelita na alalahanin ang paggabay ng Dios sa kanila sa loob ng apatnapung-taon sa ilang at huwag nilang kalilimutan ang Dios sa pamamagitan ng pagsuway sa Kanyang mga utos (Deuteronomio 8:2, 11.)

Maaaring makalimutan natin ang Dios sa panahon ng pagsubok (talatang 2-4), kasaganaan (talatang 10-11) at kapag pakiramdam natin ay mayroon na tayong naabot o naisakatuparan (talatang 12-16). Kapag nagigipit tayo, madaling sabihin na para bang kinalimutan na tayo ng Dios. Kapag sagana naman maaaring isipin natin na hindi natin kailangan ang Dios.  Kung magmamataas naman tayo dahil mayroon na tayong naabot, nakakalimutan natin ang Dios.

Makakatulong sa atin ang kababaang-loob, pagsunod at pagpupuri sa Dios. Sa pamamagitan nito, maaalala natin ang pagmamalasakit at pagbibigay sa atin ng Dios ng ating mga pangangailangan. Huwag nating kalilimutang pasalamatan ang Dios sa lahat ng mga ginagawa Niya para sa atin.

Isinulat ni: D. Mc Casland

HUWAG NATING KALILIMUTAN NA SA DIOS NANGGAGALING ANG MGA PAGPAPALANG NATATANGGAP NATIN.

BUONG KATAPATAN

Mga sinungaling na labi sa Panginoon ay kasuklam-suklam… ang gumagawa ng may katotohanan ay Kanyang kinalulugdan.

-Mga Kawikaan 12:22

Sa maraming bansa, kinikilalang ‘Araw ng lokohan’ ang unang araw ng Abril. Sa araw na iyon, marami silang ginagawang panloloko o pagbibiruan sa isa’t isa. Sa Amerika naman, ‘Araw ng Katapatan’ ang ika-30 ng Abril, pero mahalagahang pahalagahan ito.

Noong dekada 90, pinasimulan ang pagdiriwang na ito ni M.Hirsh Goldberg na isang manunulat. Pagbibigay ito ng daan para parangalan ang mga kagalang-galang at himukin ang mga tao na maging tapat. Sinabi niya na kaya pinili niya ang Abril 30 na maging ‘Araw ng Katapatan’ ay dahil naglolokohan sa unang araw ng Abril, kaya mahalagang tapusin ang buwang ito ng sa pagiging matapat.

Para maging tapat, magandang tandaan na tapat ang Dios at totoo ang Kanyang sinasabi (Deut.32:4; Bil.23:19; Heb.6:18.) Dapat din nating tandaan na namumuhi ang Dios sa kasinungalingan at si satanas ang ugat ng kasinungalingan (Mga Kaw. 6:16-19; Jn.8:44.)

Maaari nating gamitin ang Biblia bilang gabay: “Ang taong matuwid ay namumuhi sa kasinungalingan (Mga Kaw.13:5) at “Natutuwa sa katotohanan” (1 Cor.13:6.) Ang pagsisinungaling ay bahagi ng Lumang pagkatao (Col.3:9.) Araw-arawin natin ang Araw ng Katapatan.

“Tulungan Nyo po akong maging tapat at totoo,

Sa lahat ng sinasabi at ginagawa ko;

Loob ko po’y palakasin upang tama’y magawa;

Liwanag Nyo po nawa’y maipakita sa iba.”

DAPAT MAPAGTITIWALAAN ANG MGA SINASABI NG NAGTITIWALA SA BIBLIA.

TAGAPAGBAGO

Ang sinumang lumalayo sa kasamaan ay… karapatdapat gamitin ng may-ari para sa lahat ng mabubuting gawain.

-2 Timoteo 2:21

Nang makatapos ako ng apat na taong pag-aaral sa seminaryo, marami akong iniisip na kailangang gawin sa lugar kung saan ako magiging pastor. Naisip ko na nandoon ako para baguhin ang mga tao doon. Pero ginamit ng Dios ang mga tayong iyon para ako ang baguhin.

Maganda ang pagtrato sa akin ng mga namumuno sa grupo ng mga mananampalataya sa lugar na iyon, pero dapat akong sumunod sa mga patakaran nila. Natuto akong makitrabaho sa kanila, gawin nang maayos ang trabaho at makibahagi sa kanilang pagpaplano.

Maaaring isipin natin na inatasan tayo ng Dios para baguhin ang mga tao,  pero sa isang banda, tayo ang gusto Niyang baguhin. Nais Niya tayong maging karapatdapat sa lahat ng mabubuting gawain (2 Timoteo 2:21.) Madalas gumagamit ang Dios ng mga tao na hindi natin aakalaing gagamitin Niya para turuan tayo. Kung akala nati’y sapat na ang alam natin, nagkakamali tayo. May mga nais pang ituro ang Dios sa atin.

Kung gusto nating gamitin tayo ng Dios para baguhin ang mga kinasanayan at ugali ng iba, huwag nating tanggihan ang pagbabagong ginagawa ng Dios sa atin. Alam Niya kung ano ang makabubuti para sa atin at makapagbibigay sa Kanya ng luwalhati. Iyon ang nais Niya para sa atin.

Isinulat ni Joe Stowell

“Nais nating baguhin ang pag-uugali ng tao

Gagawin natin ito lang-alang kay Cristo;

Pero kinakailangan muna nating matuto,

Upang tayo’y maging karapatdapat na totoo.”

MABABAGO LANG NATIN ANG IBA KUNG NAGBAGO NA TAYO.

GAWAING HINDI NAPAPANSIN

Ang katawan ay binubuo ng maraming bahagi at magkakaiba ng gawain ang bawat isa.

-Roma 12:4

Habang nilalagyan ko ng kyutiks ang aking kamay, naawa ako sa aking kanang kamay. Hindi masyadong maganda ang pagkukuyutiks ko dito. Mas maraming trabaho ang kanan pero mas napapaganda ang kaliwa dahil hindi ko nakukuyutiksan nang ayos ang kanan.

Habang nagkukyutiks, naisip ko ang mga mananampalataya sa aming iglesya. Marami sa kanila ang magaling tumulong sa kapwa mananampalataya upang tulungan ang mga ito na maging epektibo sa kanilang paglilingkod. Pero hindi laging napapansin ang mga mananampalatayang tumutulong dahil ang atensiyon ay napupunta sa mga taong tinutulungan nila. Parang hindi naman yata makatuwiran na ang mga gumagawa ng magagandang bagay ay hindi napapahalagahan.

Pero hindi ganyan ang iniisip ng mga tunay na naglilingkod sa Dios. Mas gusto nilang pinahahalagahan ang iba.  Alam nila na gagantimpalaan ng Dios ang mga gawang hindi napapahalagahan ng mga tao (Roma 12:10; Mateo 6:4; 6:18; 1 Corinto 12:24.)

Inaani ba ng iba ang iyong pinaghirapan? Huwag kang titigil. Gagantimpalaan ng Dios ang mga taong gumagawa nang hindi napapansin, maipakilala lang si Jesus sa lahat.

Isinulat ni: Julie Ackerman Link

“Ang paglilingkod natin sa Panginoon,

Maaaring ‘di napapansin ang mga iyon;

Pero pagharap natin sa Panginoon;

May gantimpala sa takdang panahon.”

NAKIKITA NG DIOS ANG PAGLILINGKOD NATIN SA KANYA.

HINDI SIYA NATUTULOG

Hindi Niya papahintulutang ang paa mo’y madulas; Siyang nag-iingat sa iyo ay hindi natutulog.

-Awit 121:3

Maikling matulog ang mga giraffe. Halos dalawang oras lang sila kung matulog sa bawat araw. Kung gayong kaikli ang tulog ng isang tao, malamang na may problema siya sa pagtulog. Pero walang problema ang mga giraffe. Nilikha sila ng Dios nang ganoon.

Kung sa inyong palagay ay kakaunti ang halos dalawang oras na tulog sa bawat araw, isipin natin ang Dios na lumikha sa mga giraffe. Hindi Siya natutulog kahit kailan.

Ipinahayag sa Awit 121:3 ang walang patid na  pagmamalasakit sa atin ng Dios, “Siyang nag-iingat sa iyo ay hindi matutulog.” Sinabi pa sa talatang 5, “Ang Panginoon ay iyong tagapag-ingat.” Iniingatan tayo ng Dios at pinagmamalasakitan. Ni minsan ay hindi Siya nakaramdam ng antok. Lagi siyang kumikilos para sa ating ikabubuti. Sabi pa sa isang awit, “Nakahanda ang Dios umalalay sa iyo… Huwag mo sanang akalaing natutulog… ang Dios.”

May mabigat ka bang problema? Humingi ka ng tulong sa Dios na hindi natutulog. Ipagkatiwala mo ang bawat segundo ng iyong buhay sa Dios na “sa iyo’y mag-iingat saanman naroon; ika’y iingatan, hindi ka maaano kahit kailan” (talatang 8.)

Isinulat ni Bill Crowder

“Si Jesus ang Batong Buhay na laging matatag;

Lagi Siyang naririyan kaya dapat panatag;

Mga nananalig sa Kanya ay iniingatan Niya,

Upang Kanyang payapain ang pag-aalala nila.”

HINDI KA BIBIGUIN NG DIOS NA MAY HAWAK SA MUNDO.