AANHIN PA

Aanhin pa ang mga kamay

Na di marunong magbukas-palad?

Aanhin pa ang mga labing

Masamang salita ang namumutawi?

Aanhin pa ang mga matang

Walang ginawa kundi manghusga?

Aanhin pa ang mga taingang

Walang panahong makinig sa iba?

Aanhin pa ang mga kaibigan

Kung di rin lang mapagkakatiwalaan?

Aanhin pa ang mga kapatid

Kung di marunong magkapit-bisig?

Aanhin pa ang mga magulang

Kung hindi mo magawang igalang?

Aanhin pa ang puso

Kung hindi marunong magmahal?

Aanhin mo pa ang iyong buhay

Kung hindi mo binibigyang saysay?

Aanhin pa ang kalikasan

Kung iyong pababayaan?

Aanhin pa ang mundo

Kung ang naninirahan ay mga iresponsableng tao?