Malapit na po ba tayo? Malapit na ba? Wala pa ba? Paulit-ulit na tanong ng anak ko sa akin noong bumiyahe kami ng 16 oras papunta sa Arkansas mula sa Colorado sa bansang Amerika. Kung babayaran lang nila ako sa bawat pagsagot ko sa tanong nila, malamang marami na akong naipong pera.
Gayon pa man, bilang drayber nila ang lagi kong sagot, “Malayo pa pero maghintay lang kayo at makakarating din tayo”.
Hindi lang naman mga bata ang mahilig magtanong ng ganoon, maging tayong mga matatanda na. Lalo na kapag nakakaramdam na tayo ng pagod o sobrang naiinip. At sa iba naman ang mga mataʼy namumugto na sa kaiiyak (Salmo 6:7). Sobrang pagod na sa mabibigat na problema (Tal. 6) na dumarating sa buhay. Problema sa trabaho, pamilya, kalusugan, relasyon at iba pa. Mapapasigaw ka na lang talaga, “Panginoon, kailan po ba ito matatapos?”
Alam ng sumulat ng Salmo ang pinagdaraanan nating lahat. Kaya nga, siya na mismo ang nagsabi at nagtanong nito sa Dios. Tulad naman ng isang magulang, pinakinggan ng Dios si Haring David sa kanyang dalangin at tinugon ito (Tal. 9). Hindi nakakahiya ang pagtatanong. Kaya naman, makakalapit tayo sa Dios nang may buong pagtitiwala sa Kanya. Iiyak natin sa Kanya ang lahat ng ating alalahanin. Maaaring ang sagot ng Dios, “Maghintay ka lang, darating din ang tugon. Magtiwala ka lang sa Akin.”
𝘕𝘢𝘣𝘢𝘣𝘢𝘭𝘪𝘴𝘢 𝘬𝘢 𝘣𝘢 𝘯𝘨𝘢𝘺𝘰𝘯 𝘢𝘵 𝘯𝘢𝘵𝘢𝘵𝘢𝘯𝘰𝘯𝘨 𝘬𝘶𝘯𝘨 𝘬𝘢𝘪𝘭𝘢𝘯 𝘬𝘢 𝘣𝘢 𝘵𝘶𝘵𝘶𝘨𝘶𝘯𝘪𝘯 𝘯𝘨 𝘋𝘪𝘰𝘴 𝘴𝘢 𝘪𝘺𝘰𝘯𝘨 𝘪𝘥𝘪𝘯𝘢𝘥𝘢𝘭𝘢𝘯𝘨𝘪𝘯?
- John Blase
𝑫𝒊𝒐𝒔 𝑨𝒎𝒂 𝒔𝒂 𝒍𝒂𝒏𝒈𝒊𝒕, 𝒂𝒏𝒈 𝒎𝒈𝒂 𝒅𝒊𝒏𝒂𝒓𝒂𝒏𝒂𝒔 𝒌𝒐 𝒑𝒐𝒏𝒈 𝒑𝒂𝒈𝒉𝒊𝒉𝒊𝒓𝒂𝒑 𝒂𝒕 𝒑𝒂𝒈𝒔𝒖𝒃𝒐𝒌 𝒂𝒏𝒈 𝒏𝒂𝒈𝒅𝒂𝒅𝒂𝒍𝒂 𝒔𝒂 𝒂𝒌𝒊𝒏 𝒑𝒂𝒓𝒂 𝒎𝒂𝒈𝒕𝒂𝒏𝒐𝒏𝒈 𝒌𝒖𝒏𝒈 𝒌𝒂𝒊𝒍𝒂𝒏 𝑵’𝒚𝒐 𝒑𝒐 𝒂𝒌𝒐 𝒕𝒖𝒕𝒖𝒈𝒖𝒏𝒊𝒏. 𝑴𝒂𝒓𝒂𝒎𝒊𝒏𝒈 𝒔𝒂𝒍𝒂𝒎𝒂𝒕 𝒑𝒐 𝑷𝒂𝒏𝒈𝒊𝒏𝒐𝒐𝒏 𝒏𝒂 𝒏𝒂𝒌𝒊𝒌𝒊𝒏𝒊𝒈 𝑲𝒂 𝒑𝒐 𝒔𝒂 𝒂𝒌𝒊𝒏𝒈 𝒅𝒂𝒍𝒂𝒏𝒈𝒊𝒏. 𝑻𝒖𝒍𝒖𝒏𝒈𝒂𝒏 𝑵’𝒚𝒐 𝒑𝒐 𝒂𝒌𝒐𝒏𝒈 𝒎𝒂𝒎𝒖𝒉𝒂𝒚 𝒏𝒂𝒏𝒈 𝒎𝒂𝒚 𝒃𝒖𝒐𝒏𝒈 𝒑𝒂𝒈𝒕𝒊𝒕𝒊𝒘𝒂𝒍𝒂 𝒔𝒂 𝑰𝒚𝒐.
Our Daily Bread Ministries and our resources
Copyright © 2024 Our Daily Bread Ministries, All rights reserved.
No comments:
Post a Comment