FAVORITE BLOGGER

Habang nilalagyan ko ng facial mask ang aking mukha, naawa ako ng makita ko ang aking mga kamay na palagi kong pinapapangakuan na lalagyan ng kyutiks. Mas maraming trabaho ang mga kamay pero mas kinakasipagan kong alalahaning pagandahin ang mukha dahil ito ang madalas makita.

Habang nagre-relax ang mukha ko sa facial mask, naisip ko bigla ang mga blogger na nagse-send sa gmail ko ng kanilang mga post. Marami sa kanila ang talaga namang lubos na nagpapala sa buhay ko, ‘di lang sa akin kundi marami silang tinatrabahong pagta-type sa keyboard ng mga ideya upang ibahagi sa maraming tao. Pero hindi ko madalas alalahaning magpasalamat sa kanila dahil ang atensiyon ko ay napupunta lang sa pagbabasa ng kanilang blog. Parang hindi naman yata  makatuwiran na ang mga gumagawa ng magagandang bagay ay hindi napapasalamatan.

Makalipas ang 30 minuto, tinanggal ko na ang facial mask at hiniram ang manicure and pedicure set ng kapatid ko. Kasabay nito ay ang pangakong sa kaarawan ng favorite blogger ko ay pasasalamatan ko siya ng sobra-sobra.

“Maraming, maraming, maraming salamat po O Dios

Sa buhay ng favorite blogger ko;

Maraming, maraming, maraming salamat po kuya Fitz

Sa kamay na inialay para magpala sa marami.”

MALIGAYANG ARAW AT PINAGPALANG WALANG PATID ANG SUMAIYONG KAARAWAN : )

-yna

cabreraflorina.blogspot.com