ALAM KONG ALAM MO RIN

DEAR ATE MINS

I

Minsan ang hirap pakibagayan ang damdamin

Minsan ang hirap nitong pagtagumpayanan

Minsan ang hirap nitong unawain

At minsan ang hirap nitong ipagkatiwala sa Diyos.

II

Ang damdamin ng tao ay talagang emosyonal

Kaya minsan mahirap sumunod sa Diyos

Mahirap magtiwala sa Diyos

At mahirap ganapin ang kalooban Niya.

III

Kapag perpektong kalooban ng Diyos ang isyu

Minsan makakadama ka ng kabog ng dibdib

Minsan gagawa ka ng paraan para takasan ito

At minsan matatakot kang harapin ang bukas.

IV

Ate Mins, ano man ang kalooban ng Diyos para sa’yo

At para sa pamilya mo

Andito lang kami nananalangin para sa’yo

Isa lang ang alam namin at alam naming alam mo rin –

Ikaw, kami at sampu ng buo nating pamilya

Tayong lahat ay naisilang upang ganapin ang kalooban Niya.

“In due time, our faith in Him will be made perfect.

And that day will be really great & exciting!”

Love & Prayers,

ateyhang