BASO NG SOFTDRINKS

Nang nagta-trabaho pa ako bilang isang real state agent, minsan ay sa food court ko sinusulatan ng aking contact information ang mga flyers na pinapamigay ko. Isang araw, nasagi ko ang baso ng softdrinks. Natapon ang lahat ng laman nito sa aking bukas na flyer case. Kaya nasabi ng isang lalaki, “Naku! Iyan ang pinakaayaw kong mangyari!”

Ang totoo, hindi naman iyon ang pinakaayaw nating mangyari sa buhay natin. Pero bawat isa ay  mayroong mga kinakaayawan sa buhay na kinakatakutang mangyari tulad ng aksidente, malalang sakit o panlalamig sa pananampalataya.

Dumating sa punto ng buhay ni Job na bagsak na bagsak siya sa buhay lalo na sa pagtitiwala sa Dios. Ngunit dumating din sa punto ng buhay niya ang paniniwala na pagkatapos ng pagsubok na ito ay lalabas siyang parang ginto (Job 23.)

May matututunan tayo sa sinabi ni Job. Una, ang hindi magagandang pangyayari ay pagsubok sa ating ugali at para sa ating ikakatatag. Ikalawa, ibibigay ng Dios ang lakas at kagalakan upang makaya natin ang mga problema.

Madulas ka man, madapa o matalisod habang naglalakad, mabuhusan man ng kape ang uniporme mo, nadarama mo man na parang hindi ka na ganoon kaapoy sa paglilingkod sa Dios, ipinangako Niya na tutulungan Niya tayo kahit sa pinakaayaw nating mangyari sa buhay natin.

#LordPleaseHelpUs

#WeFallShortDaily

#ThisIsOurPrayer

cabreraflorina.blogspot.com