WALA MAN LANG PAALAM

Mga salitang hindi kita sasaktan

Mga salitang hindi kita iiwan

Mga salitang ikaw at ako lang

Mga salitang akala ko’y walang hanggan.

Ikaw mahal ko na gumising sa natutulog kong puso

Ikaw na muling nagturo kung papaanong umibig ng totoo

Ikaw na ang akala ko ay panghabangbuhay ko

Ang iyong mga pangako mahal ko bakit naglaho?

Puso ay nagsumamo dahil ang puso’y ayaw muling mabigo

Bakit ang damot mo at ang mga salita’y bakit ipinagdamot mo?

Ako ay iyong iniwan

Iniwan na wala man lang paalam

Ngayon ang puso’y nagtatanong

Tunay nga ba ang iyong naging pagsuyo?

Bakit ikaw ay nagbago?

May mali ba ako mahal ko?

O sadyang pagsuyo mo’y naglaho?

Mga tanong na iniwan mo sa aking puso.

Ako man ay sinaktan hindi ko ito pinagsisisihan

Tapat na pagsuyo’y sa iyo inilaan

At patuloy na magmamahal sa ating nakaraan.

Labis man kitang mahal

Nangangarap na sana ikaw na lang

Paano ba malimot ang tulad mo?

Paano mahal? Paano nga ba?

Mahal, kung maisip mo ako

Magandang alaala sana ang maalala mo

Ikaw at ako ay isang nakaraan

Nakaraang ituturing na kayamanan.

Kung ika’y magbabalik sana wag na lang mahal

Kahit labis pa kitang mahal

Dahil ang ikaw at ako ay tinapos mo

Nung ako’y iwan mo ng walang paalam..

-HCG

9/23/17