TARA IYAK

Mahigit dalawang libong taon na ang nakakalipas

Mayroong Diyos na bumaba galing sa taas

Pangalan Niya ay Hesus

Ang ating nag-iisang Tagapagligtas.

Isang taong walang kasalanan

Ngunit naging kasalanan

Para tayong makasalanan

Ay maging matuwid at buhay na walang hangga’y makamtan.

Pinayagang masuntok at Madura

Ganda’y di na makita sa mukha

Alam mo bang habang ito’y Kanyang sinasapit

Ikaw ang nasa isip Niya?

Parang tupang kahit gupitan ng buhok ay di nagsasalita

Tila isang ugat na binunot sa tuyong lupa

Iniwan ang trono, sa lupa ay bumaba

Pinakamababang posisyon Kanyang kinuha.

Tatlumpo’t siyam na latay Kanyang tinamo

Mapatunayan lang ang pag-ibig Niya sa’yo

Pagtapos Niyang lagutan ng hininga

Siya’y tumuloy sa impiyerno.

Tatlong araw at tatlong gabi

Sa impiyerno Siya’y pinahirapan

Pinagbayaran lahat ng ginawa mong kasalanan

Kasalanan mo noon, ngayon at magpakailanman

Kinuha Niya pati ang susi ng kamatayan.

Sa kapangyarihan ng Dios Espiritu Santo

Siya ay nakaalis sa impiyerno

Inihayag sa alagad ang natamo

At muling umakyat sa Kanyang trono.

Kinoronahan ng koronang tinik

Dalawang palad ay nabutas

Tinungo ang impiyerno

Minahal ka at iniligtas.

Tandaan ang Bundok ng Golgota

Kung saan ipinako si Hesus na nagmahal sa’yo ng sobra

Ano pang hinihintay?

Lumapit at tumakbo sa Kanya.

Ipikit ang mata, Siya ay tanggapin

Buksan ang puso, Siya ay papasukin

Mga kasalanan mo’y Kanyang patatawarin

Dalawa Niyang bisig Ika’y yayakapin.

God Bless Us..

cabreraflorina.blogspot.com

ios.florinac@gmail.com