HEALTH LESSON

Mas dumadami ang sakit na pagtatae, suka at kahit hand foot mouth disease lalo na kung tag-ulan.

Isa sa mga rason ay dahil pinapasok natin sa bahay ang ating sapatos o tsinelas na ginamit sa labas.

Ganito yun, ang mga sakit gaya ng amoeba at hand foot mouth disease ay galing sa dumi ng mga tao.

Kunwari ang isang tao ay may sakit, ang dumi niya at may mga mikrobyo.

Kung hindi maganda ang pamaraan ng pagtapon ng dumi, madaling napupunta ito sa ating mga kanal. Kaya ang mga kanal ay puno ng iba’t ibang mga bacteria at mga virus.

Sa panahon ng tag-ulan, may malaking tsansa na bumaha at lumabas ang tubig sa kanal.

At kahit na nag-subside na ang baha, ang mga putik sa kapaligiran ay meron na rin mga mikrobyo na galing sa kanal.

Kaya natural na ang mga sapatos natin ay mayroon na rin.

Kapag ipinasok sa loob ng bahay ang sapatos, ang ating mga sahig ay magkakaroon na ng mikrobyo kahit hindi natin nakikita.

Kawawa naman si bunso kapag naglalaro sa sahig. Ang kamay niya ay madali nilang sinusubo. Kaya ayun nagtaka ka bakit nagka-diarhea o nagka-hand foot mouth eh malinis naman yung tubig niyong pang-inum.

Dapat iba rin ang tsinelas sa banyo at sa loob ng bahay sa ganoon pa rin na rason.

At siyempre ang paghuhugas parati ng kamay na may sabon ay masyadong importantel.

Hindi ko pa na-mention na ang Hepatitis A ay iyong nagye-yellow ang mata, typhoid fever at kahit mga sepsis o yung grabe na impeksyon sa dugo na nakakamatay ay puwede rin galing lang sa ilalim ng ating mga sapatos. Sa katunayan, sabi ng mga dalubhasa ay mayroong mga 400, 000 mahigit na mikrobyo sa ilalim ng sapatos.

Kunting pagbabago lang at malaki na ang maitutulong sa kalusugan ng pamilya. At siyempre mas nakaka-ipon tayo kapag walang mga maysakit sa bahay.

Isinulat ni: Dr.Richard Mata – Pediatrician

God Bless Us..

cabreraflorina.blogspot.com

ios.florinac@gmail.com