ECCLESIASTES 9:11

Sabi ni Solomon sa Ecclesiastes 9:11, “I have seen something else under the sun. The race is not to the swift or the battle to the strong, nor does food come to the wise or wealth to the brilliant or favor to the learned; but time and chance happen to them all.” Di ba ang ganda ng observation niya? Sabi niya, hindi naman lagi yung mabilis ang nananalo sa mga karera. Malay  mo yung mabilis natapilok o nadapa. Naunahan, tuloy siya ng mabagal. Hindi komo mabilis ka, mananalo ka diyan. At hindi naman lahat ng nananalo sa mga digmaan ay yung malalakas. Mas malakas iyon, bakit natalo? Wise pala yung kabila. Ang sabi ni Solomon, hindi naman lagi ang pagkain ay pumupunta sa matatalino. Maraming matatalinong gutom. Sabi ni Solomon, “Wealth does not always come to the brilliant or favor to the learned.” Ibig sabihin, hindi komo ganito ka eh ganyan ang aasahan mong mangyayari sa buhay mo. Dugtong pa ni Solomon, “Time and chance happen to them all.” Maraming mga bagay na hindi natin kayang ipaliwanag, hindi ma-rationalize pero nangyayari lang. Kung minsan din sa mga anak-gusto nila, “Ganito yung anak ko,” “Sana ganyan ang anak ninyo.” Eh, iyan na ang anak ninyo, kaya be happy with him or her! Iyan ang magulang ninyo. Ganoon din-hindi ‘yan napipili.

So dalawa ang choice natin-magmukmok at magreklamo buong buhay mo, o kaya’y turuan mo ang iyong sarili na enjoyin iyan. You are either miserable or you are happy by choice. Lagi tayong may choice. Puwede tayong maging miserable kahit lahat ng bagay nandiyan, dahil yung isang kaliit-liitang wala, hahanapin mo. So even prosperity can be by choice. You can actually be prosperous or you may just feel prosperous. In both cases we need to learn to make good choices.

From the Book:

Siksik, Liglig at Umaapaw.