TAYO’Y KANYANG LILINGAPIN

Isinulat ni: Junico Villaverde Bato

Ang malalim na panalangin

Ay binubulong sa hangin

Ay narinig ng Dios na gumawa ng araw at bituin

Na siyangmay diin na hangaring tayo’y pagpalain

Ang sa Kanyang lumalapit na may dalang hinaing

Sapagkat ang Dios ng kahapon, ngayon at bukas

Ay kailanma’y hindi nang-aalipin

Kundi tayo’y kanyang lilingapin.

Ituon natin ang atensiyon

Sa librong nag-aayos ng sitwasyon

At daan ng magandang koneksiyon

Patungo sa mabuting aksiyon

At matibay na relasyon sa Dios

Ng kahapon, bukas at ngayon.

Isa lang ang pinagmumulan ng mga karunungan

Sa Dios na makapangyarihan

Na walang sukat kalagyan na kakayahan

Ang kaya Niyang bitawan

Para ipagkaloob sa Kanyang mga hinirang na mga manananampalataya

Na magtatapos ng Kanyang kalooban.

Huwag nawang mapako ang paningin sa mga bagay na nakikita

Mga bagay na ano mang oras ay puwedeng maglaho na parang bula

Bagkus magkaroon ng pananabik sa mga bagay na hindi nakikita

Ngunit saklaw ng iyong paniniwala at ika’y magtiwala

Sapagkat ang Dios mong dakila ang siyang magdadala sa’Yo

Sa paraisong puno ng biyaya at puno ng pagpapala.

Hindi natin maiiwasan na minsan

May mga taong hindi maunawaan

Ang mga salitang malalim at may galak na kahulugan

Kung talagang nagbukas lang sila ng kanilang puso at isipan

Tiyak may aral at ngiting mararanasan na hindi pangkaraniwan.

Minsan pa’y nasabihang “O.A. naman/baduy naman”

Pero wala kang magagawa kung ganoon ang kanilang paniniwala

Bagkus ipagdasal nalang at nawa’y matutunan nilang magpahalaga

Sa mga bagay-bagay na dapat isaalang-alang

Dahil masayang magkaroon ng kahalagahan

Sa mga bagay na bigay ng Dios ng kahapon, ngayon at bukas,

At ng magpakailanman.

Kapag wala ang Dios ng kahapon at ng ngayon

Tayo’y nasa dilim maghapon

At walang liwanag na tutugon

Kundi puro apoy na nakabaon

Na mas mainit pa sa bulkang mayon

At pagdurusang hindi ilusyon

Ni wala ng pagkakataon dahil sa mga kasalanan at pagiging rebilyon.