ISANG SUGAL

Alam nating nagsusugal tayo sa lahat ng laro

Kung ang hawak mong bola ay naagaw ng iba

Bakit hindi mo kunin at lumaban ng tama

At kung hindi mo nagawa

Huwag papairalin ang gunting na dila.

Ako, isa lang namang hamak na tulad mo

Pero kung di mo maintindihan, iba ako sa’yo

Hindi ako mahilig maglaro pero ginagawa ko lahat para sumugal

Oo sugal, ngunit tulad ng batas bawal ang bawal

Kung ang kalapati at agila ay lumipad

Sinong sa tingin mo ang mas mataas?

Ngunit hindi paglipad ang kanilang laban sa taas

Kundi paunahan

Kung ang agila ay nagpahinga at ang kalapati ay gumamit ng paa

Tiyak na mauuna siya

Alam kong sa tingin mo lahat na nasa iyo

Ngunit bakit di mo tingnan ang tingin ng iba

Baka sakaling makita ng paslit na daga ang kesong

Nasa iba na pala

Minsan talaga kailangan rin ng puso sa laro

Utak para sa gagawing hakbang

Upang makalikha ng libro

At pag-uugali na handang tanggapin

Ang bolang para sa’yo ay hindi.

Isang sugal, kapag binigay ang lahat

Tanggapin din ng lahat.

-Bernadeth Toquero Brugada