PANSAMANTALANG MGA LUHA

Pagkatapos na kayo’y magdusa ng sandaling panahon, ang Dios ng buong biyaya… ay Siya  ring magpapanumbalik, magpapatibay, at magpapalakas sa inyo. – 1 Pedro 5:10

Isinulat ng awtor na si George MacDonald, “Dumating ang Panginoon para pahirin ang ating mga luha. Ginagawa Niya ito,  at gagawin Niya ito agad hanggang magawa Niyang dumaloy ito ng  wala ng kapaitan – kaya sinabi Niya na mapalad ang mga nahahapis sapagkat may paparating na pang-aliw.

At habang naghihintay ng kaaliwang ito, makakasiguro tayo na hindi tutulutan ng Dios na masubok tayo ng higit sa kakayahan nating pasanin ito. Bawat pagsubok sa buhay ay nakatakda. Bawat mahirap na sitwasyon ay malalampasan sa pamamagitan ng Kanyang  pag-ibig. Di Niya tutulutang  maghirap o masaktan man nang kahit isang saglit sa  itinakdang  panahon. Sabi ng isang Kawikaan, “para sa isang tupa na naahitan na ng balahibo ang buong katawan, sukat na sukat ng Dios ang hangin para di ito ginawin.” Ang ibig sabihin, hindi pahihintulutan ng Dios na magapi ang mga walang kakayahang lumaban sa dagok ng buhay.

Maaaring malalalim na dagat ng buhay ang tinatawid mo, o ang buhay mo tulad ng ginto ay dapat dalisayin sa pamamagitan ng apoy. Ngunit sa gitna ng mga ganitong tiisin, pangako ng Dios na lagi Siyang kasama sa hirap, nakikiramay, matapat na kaibigan. At Siya na “Dios ng biyaya ay magpapanumbalik, magpapatibay at magpapalakas sa inyo.” (1 Pedro 5:10).

At pag nakumpleto na ang kanyang gawain sa atin, iuuwi Niya tayo sa langit kung saan papahirin Niya lahat ng luha natin – hanggang walang hanggan (Pahayag 21:4).

By: David Roper

“Alam Niya ating pasanin

Mga pasakit, pagsubok, tiisin

May malasakit Siya sa bawat kaluluwang umiiyak

At luhang dumadaloy, Kanyang papahirin.”

KADALASAN, ANG LUHA AY PARANG TELESKOPYONG NAGPAPALINAW AT NAGPAPALAKI NG PANANAW NATIN SA LANGIT.