PAGBAWAS NG TIMBANG

Itabi natin ang bawat pabigat at ang pagkakasalang madaling  bumibitag sa atin.

-Hebreo 12:1

Ang hukbo ng bantog na emperador ng Roma, si Alexander the Great, ay lulusob sa Persia. May saglit na muntik  na silang matalo. Sobra kasi ang pandarambong na ginawa ng kanyang mga sundalo sa natalong bayan dahil sa bigat ng dala-dalahan at hindi na sila epektibo.

Iniutos ni Alexander na samsamin ang nadambong at itambak sa isang lugar – at sunugin. Nagreklamo ang mga sundalo ngunit di nagtagal at nakita nila ang kagalingan ng ginawa ng kumander nila. May nagsulat, “Para silang nabigyan ng pakpak. Muling gumaan ang kanilang mga katawan – at sila’y nagtagumpay.

Bilang kawal ni Cristo, dapat nating iwaksi ang anumang sagabal sa pakikipaghamok sa ating espiritwal na kaaway. Upang magtagumpay tayo, ang isusuot lang natin ay ang “baluti ng Dios.” (Efeso 6:11-17).

Itinutulad din ng Biblia ang Cristiano sa mananakbo. Para manalo sa takbuhan, dapat “itabi ang bawat pabigat” na makakabawas ng ating lakas at katatagan (Hebreo 12:1). Ang pabigat na ito ay maaaring labis na pagnanasa ng mga material na bagay, pag-ibig sa salapi, walang taros na pagkahilig sa kasayahan, bihag ng pita ng laman, o pagpapaalipin sa batas.

Tunay na kung nais nating lumaban sa mabuting labanan ng pananampalataya, matiyagang tiisin ang espiritwal na takbuhan, ang dapat tandaan: “Itabi ang bawat pabigat!”

By Richard de Haan

“Buong lakas na lumaban  sa mabuting labanan

Si Cristo ang lakas at iyong karapatan

Pagtiisan ang buhay dito sa lupa

Kagalakan mong putong doon sa walang hanggan.”

KUNG NABIBIGATAN KA SA BUHAY CRISTIANO MO, MAAARING MAY MGA PABIGAT NA PUMIPIGIL SA IYO.