SAFE IN HIS ARMS

Being a Living like Jesus Born Again Christian was such a very exciting, challenging and a glorious experience. If we choose to live this kind of life that Jesus have had, we could find peace amidst troubled world; we could find satisfaction and contentment amidst material and financial insufficiency; we could find overflowing joy amidst our generosity for the Gospel even we left nothing for ourselves. But though this kind of life was great, it leads other people to misunderstand us. For them it wasn’t bright and hopeful kind of life, it was a radical foolishness.

As a living like Jesus Christian, living in godless surroundings may brought people to make loud of rumors against us. Have you ever dealt with that wherein one of the members of your friends, love ones and neighbors is against your faith? If so, what do you feel? Are you discouraged and felt you wanted to make your faith in God decrease?

If you as a God-fearing person experienced that, do not be dismay. Rise up! You are not a cat that runs away when a strong noise striked. God look at you as a lion of Judah – mighty and powerful, overcomer and victorious. Just simply pray and fast for the people surrounds you. Let the changes begin in ourselves and they will be changed. Whatever happens, you are safe in God’s arms if you truly stand for your faith.

Blog inspired from Bro. JR CABATIC

BUHAY O KAMATAYAN

May bunga ang bawat desisyon na ginagawa natin sa buhay ngayon, iyan man ay sa larangan ng pag-aaral, bisyo, barkada, relasyon, trabaho, lahat lalong-lalo na sa mga bagay patungkol sa Dios. Dalawa lang ang kahihinatnan nito BUHAY o KAMATAYAN. Ano ang pipillin mo kaibigan? Gusto kong ipaalam sa iyo ang nilalaman ng Banal na Aklat. Ganito ang sabi:

“O hinahamak mo ang mga kayamanan ng Kanyang kabutihan, pagtitiis, at pagtitiyaga na hindi mo nababatid na ang kabutihan ng Dios ang umaakay sa iyo sa pagsisisi? Ngunit ayon sa iyong katigasan at pusong hindi nagsisisi ay nagtitipon ka para sa iyong sarili ng poot sa araw ng kapootan at pagpapahayag ng matuwid na paghuhukom ng Dios. Kanyang gagantihan ang bawat tao ayon sa kanyang mga gawa: sa kanila na sa pamamagitan ng pagtitiyaga sa mabubuting gawa, na naghahanap ng kaluwalhatian at karangalan at ng kawalan ng kasiraan, ay magbibigay siya ng buhay na walang hanggan; samantalang sa kanila na makasarili at hindi sumusunod sa katotohanan, kundi bagkus ay sumusunod sa kasamaan ay para sa kanila ang poot at galit. Magkakaroon ng hirap at pighati sa bawat kaluluwa ng tao na gumagawa ng kasamaan, una’y sa Judio at gayundin sa Griyego; subalit kaluwalhatian, karangalan at kapayapaan sa bawat gumagawa ng mabuti, una’y sa Judio at gayundin sa Griyego: sapagkat ang Dios ay hindi nagtatangi ng mga tao.” (Roma 2:4-11)

Lahat ng mga tao mabuti man o masama ay haharap sa Dios na Hukom ng lahat ayon sa kanilang Pamumuhay dito sa lupa sapagkat ang Dios ay makatarungan at banal. Handa ka bang humarap ngayon upang hatulan? Tandaan mo kaibigan, hindi mo ito kailanman matatakasan. (Gawa 17:31, Hebreo 9:27)

I.May Alok na Buhay na Walang Hanggan ang Dios. Ito ang alok ng mapagmahal na Dios sa iyo kaibigan. Maaari mong maiwasan na ikaw ay mapahamak kung ikaw ay tatalikod at magsisisi sa iyong masamang Pamumuhay. Ang buhay na walang hanggan ay para lamang sa mga taong nabubuhay para sa Dios dahil sa kanilang pananampalataya sa Kanyang bugtong na Anak na si Hesu-Kristo na Siyang tanging tagapagligtas ng sanlibutan sa kasalanan (Roma 1:16-17). May bunga ng pagtitiyaga sa  paggawa ng mabuti ang ganitong pananampalataya sa Ebanghelyo ng Dios. May gantimpala ng kaluwalhatian, karangalan at kapayapaan sa Dios sa hinaharap. Piliin mo ito kaibigan ngayon na habang may panahon ka pa.

II.May Banta ng Kamatayang Walang Hanggan ang Dios. Para naman ito sa mga tao na nabubuhay para sa sarili lamang at walang tamang kaugnayan sa Dios na totoo. Ayaw nilang sumunod sa mga katotohanan ng Dios, mas gusto nilang gawin ang masama at labag sa kalooban ng Dios. Ganti at hindi gantimpala ang kanilang tatanggapin sa araw ng paghuhukom. Mararanasan nila ang walang hanggang pagkawalay, paghihirap at poot ng Dios (2 Tesalonica 1:7-10). Maghunos dili ka kaibigan! Magisip-isip ka! Walang hanggang paghihirap ito sa impiyerno!!! (Apocalipsis 20:11-15, 21:8)

Mga Paalala:

(a)Huwag mong abusuhin ang awa at napakaraming kabutihan ng Dios sa iyo ngayon.

“O hinahamak mo ang mga kayamanan ng Kanyang kabutihan, pagtitiis at pagtitiyaga na hindi mo nababatid na ang kabutihan ng Dios ang umaakay sa iyo sa pagsisisi?” (Roma 2:4-5)

“…matiyaga sa inyo, na hindi niya ibig na sinuman ay mapahamak, kundi ang lahat ay dumating sa  pagsisisi.” (@ Pedro 3:9)

Pero may hangganan ang awa ng Dios.

“Ang panahon ng kahangalan ay pinalampas na nga ng Dios ngunit ngayo’y ipinag-uutos Niya sa lahat ng tao na magsisi. Sapagkat itinakda Niya ang isang araw kung kalian Niya  hahatulan ang sanlibutan.” (Gawa 17:30-31)

Ang paanyaya sa iyo ay magsisi ka ngayon! Ang pagsisisi ay paglayo sa lahat ng mga kasalanan (masasamang bisyo, imoralidad, walang paggalang, walang pananampalataya, at iba pa) (Galacia 5:21). At pagbabalik-loob sa Dios. Lumapit ka at magpakababa sa harap ng Panginoon (Mateo 11:28).

(b)Huwag mong akalain na matagal pa ang araw ng pagbabalik ni Hesus.

Biglaan ang dating nito kagaya ng baha sa panahon ni Noe (Mateo 24:36-39)

Ano mang oras ay darating gaya ng magnanakaw (Mateo 24:42-44)

Ang huling panawagan ko sa iyo kaibigan ay matakot ka sa Dios na kaya kang itapon sa impiyerno ano mang oras. Piliin mo ang buhay na walang-hanggan na makakamit mo sa pananampalataya kay Hesus.

www.miraclehour.com

SABIHING LAHAT

Magtiwala kayo sa Kanya sa lahat ng panahon… ang Dios ang kanlungan.

-Awit 62:8

Bumili ako ng voice recorder. Sinabi ng nag-asikaso sa akin sa pagbili na mayroon din siya  nito. Iniiwan daw niya iyon sa loob ng sasakyan nang nagtatrabaho pa siya sa California. Sinabi niya, “Kapag nagmamaneho na akong pauwi, nakabukas ang voice recorder habang sinasabi ko ang lahat ng mga nangyari sa trabaho ko sa araw na iyon, maganda man o masama. Kapag papasok na ako sa garahe, binubura ko na ang aking mga sinabi.” Mabuti daw na may voice recorder siya. Hindi na daw niya kailangang dalhin pa sa loob ng bahay ang kanyang mga problema.

Nang marinig ko ang kanyang sinabi, naalala ko ang madalas kong pagsasabi sa iba ng aking mga kabiguan at mga problema sa halip na sa Dios. Sinabi ng sumulat ng Awit 62:8, “Sa lahat ng oras magtiwala kayo sa Kanya. Sabihin ninyo sa Kanya ang lahat ninyong suliranin, sapagkat Siya ang nag-iingat sa atin.” Dalawang beses niyang ipinahiwatig na umaasa siya sa Dios na kanyang Kanlungan at Tagapagligtas (Awit 62:1-2, 5-7).

Nakakagaan ng kalooban ang pagsasabi sa kaibigan ng ating mga problema, pero hindi  nito mapapantayan ang tulong na ibinibigay sa atin ng Dios kung sa Kanya natin sasabihin ang ating mga problema.

Isinulat ni: David Mc Casland

“Ang Panginoong Jesus ay totoong kaibigan;

Anumang problema Siya’y mapagpapahingahan;

Mga suliranin sa Kanya idalangin;

Tutulungan Niya tayo sa ating pasanin.”

SABIHIN SA DIOS ANG ATING PASANIN.

PAGMAMAY-ARI NA NG IBA

Ibigin mo ang Panginoon mong Diyos nang buong puso… kaluluwa mo, at nang buong pag-iisip mo.

-Marcos 12:30

May bahagi sa isang nobela tungkol sa ikalawang digmaang pandaigdig na magandang paglalarawan ng mga mangyayari sa isang tao kapag sumampalataya kay Jesus.

Sa nobelang iyon, napabilang sa hukbong pandagat ang isang lalaki na galing sa maimpluwensiyang pamilya. Nang inihatid siya ng kanyang ina sa kampo, hinalikan siya nito bilang pamamaalam. Pagpasok ng lalaki sa gusali, kinamayan niya ang guwardiya at isinara ang pinto.

Biglang nag-alala ang ina na baka hindi sapat ang pera ng anak niya. Kaya nagmadali ang ina papunta sa pinto para pumasok. Pero magalang na sinaway ito ng guwardiya. Sinabi ng ina, “Anak ko iyon.” Sabi naman ng guwardiya, “Alam ko po na anak niyo iyon. Pero pag-aari na po siya ngayon ng Estados Unidos.”

Kapag nagtiwala na tayo sa ginawang pagliligtas ni Jesus sa atin mula sa kaparusahan sa kasalanan, pag-aari na Niya tayo. Dapat nating sundin ang Kanyang mga utos. Iba na ang ating mga pinahahalagahan at iba na rin ang pagtingin natin sa mga bagay-bagay. Ang bago nating hangarin ay mahalin at paglingkuran ang Panginoon nang buong puso (Deuteronomio 6:5-6). Kabilang ka na ba sa mga pag-aari ni Jesus?

Isinulat ni: Dave Egner

“Ang pag-ibig ng Dios sa aki’y walang hanggan

‘Di kami mapaghihiwalay ng kahit sinuman;

Buhay Niya ay inialay para ako’y tubusin,

Kaya ako ngayo’y pag-aari Niya rin.”

ANG MGA UTOS NA DAPAT SUNDIN NG MGA SUMASAMPALATAYA AY SA PANGINOONG JESUS NANGGAGALING.

PAGPAPALINIS NG SASAKYAN

Kapag dumaan ka sa malalim na tubig, sasamahan kita.

-Isaias 43:2

Hindi ko makakalimutan ang una kong pagpapalinis ng kotse sa makinaryang naglilinis ng sasakyan. Takot na takot ako na para bang magpapabunot ng ngipin. Pagkatapos kong maihulog ang bayad, kakaba-kaba kong tinitingnan kung sarado ang mga bintana. Maya-maya, unti-unti nang pumapasok ang kotse na para bang hinihila sa loob ng makinarya. Narinig ko ang lagaslas ng tubig at ingay ng pagsasabon sa aking sasakyan. Kung sakaling hindi na ako makaalis doon at paano kung pumasok ang tubig sa loob ng sasakyan. Natatakot talaga ako sa hindi malamang dahilan. Pagkatapos ng paglilinis, lumabas sa makinarya ang aking sasakyan. Malinis na ito at makintab.

Sa gitna ng pagkatakot sa makinaryang iyon, naalala ko ang mga pangyayari sa aking buhay na hindi ko kontrolado. ‘Paglilinis ng sasakyan’ ang tawag ko na sa mga iyon. Naalala ko na sa tuwing dumaranas ako ng matinding pagsubok ay iniingatan ako ng Dios (Isaias 43:2). Kapag napagtagumpayan ko ang pagsubok na iyon, masaya at may pagtitiwala kong sinasabi, “Matapat ang Dios.”

Para ka bang nasa loob ng sasakyang nililinis? Magtiwala sa Dios na pagkatapos mong dumaan sa pagsubok, mapapatunayan mo sa iba na iniingatan talaga tayo ng Dios.

Isinulat ni: Joanie Yoder

“Kahanga-hangang malaman na ang Panginoon

Na nagmamasid sa atin sa buong maghapon

Ay iniingatan tayo sa buong panahon;

Pag-ibig Niya sa atin ang siyang kumakanlong.”

PINAGNININGNING TAYO NG MGA PAGSUBOK.

LASON

Mayroong ilan na nanggugulo sa inyo at nagnanais na baluktutin ang Ebanghelyo ni Cristo.

-Galacia 1:7

Ang San Francisco at New York City ay gumagamit ng isang uri ng isda na tinatawag na bluegill upang malaman kung may lason ang pinagkukunan nila ng tubig. Ginagawa nila ito dahil maaaring lagyan ng mga terorista ng lason ang tubig na iniinom ng mga tao. Mabilis makaramdam ng lason ang bluegill kaya naglalagay sila ng ilang bluegill sa tangke ng tubig. Nakikita sa galaw ng mga isda kung may lason ang tubig.

Nais ni Pablo na nag mga mananampalataya sa Galacia ay maging katulad ng mga isda na madaling makaramdam ng ‘lason’ o madaling makikita ng maling katuruan na nagtuturong ang tao ay maliligtas sa pamamagitan ng pagsunod sa kautusan at pananampalataya kay Jesus. Ang maling katuruang ito ang sinasabi ni Pablo na makakagulo sa katotohanan. Kaya sinabihan niya ang mga mananampalataya sa Galacia na huwag itong palampasin. Dapat nila itong batikusin. Sinabi pa ni Pablo na sumpain ang sinumang nangangaral ng maling paraan ng kaligtasan sa kaparusahan sa kasalanan (Galacia 1:8-9).

Para malaman kung ano ang ‘lason’ o maling turo, pag-aralan ang Biblia. Ipahayag natin ang katotohahanan na iniligtas tayo ng Dios sa kaparusahan sa kasalanan sa pamamagitan ng pagtitiwala sa Panginoong Jesus.

Isinulat ni: Marvin Williams

“Ituro N’yo po sa akin ang Inyong Salita,

Upang akin pong malaman ang mali at tama;

Ilayo nawa ako ng Inyong Espiritu,

Sa patibong ng diyablo at kanyang panunukso.”

KUNG ALAM MO ANG KATOTOHANAN, MAKIKITA MO ANG KAMALIAN.

ANG LAYUNIN NG DIOS

Iyo ang lahat ng nasa langit at nasa lupa.

-1 Cronica 29:11

Bakit hinahayaan ng Dios na dumanas ang tao ng matinding pangangailangang pinansyal? Ayon kay John Piper, isang kilalang pastor sa Amerika, may mga layuning naisasakatuparan ang Dios sa pamamagitan ng kakulangang pinasyal. Halimbawa:

1.     Kapag nakakaranas tayo ng kahirapan, sinisiyasat natin ang ating sarili. Pagkakataon ito na magsisi sa kasalanan at lumapit sa Dios.

2.     Kapag naranasan na natin ang maghirap, marahil ay matututo tayong magmalasakit sa mga naghihirap.

3.     Kung kaunti lang ang ating pera, maaaring sa Dios tayo maghahanap ng kasiyahan – hindi sa material na bagay.

4.     Sa panahon ng kasaganaan, madaling malimutan na ang Dios ang nagpapalago sa Kanyang iglesya at hindi tayo. Ngunit kapag dumarami ang mga mananampalataya sa panahon ng paghihirap, ang Dios ang naluluwalhati.

5.     Kung kapwa mananampalataya ang naghihirap, maaaring binibigyan tayo ng Dios ng pagkakataong matulungan ang ating kapatid sa Panginoon.

Walang bagay na hindi magagawa ng Dios (Lucas 1:37). Ang Kanyang kapangyarihan ay hindi nakasalalay sa ating kayamanan. Kahit maghirap tayo, Siya pa rin ang may-ari ng lahat (Awit 50:10). Kahit maghirap tayo, hindi Niya tayo pababayaan (Mateo 28:28). Huwag tayong umasa sa panandaliang kayamanan kundi sa ating Dios na pangwalang-hanggan!

By: Cindy Hess Kasper

“Kung mga pagsubok ay ating nararanasan,

Ang Dios ang dapat nating pagtiwalaan;

Ipamamalas Niya ang Kanyang kabutihan,

Ang sa Kanya’y susunod ‘di Niya iiwan.”

KUNG NASA IYO ANG DIOS, WALA KA NANG IBANG KAILANGAN.

HE IS NOT THE GUY FOR ME, PERIOD.

He just remembers me when no one remembers him.

He will only run to me if he felt no one cares for him.

I am just his last option.

He takes for granted my generosity, gifts and kindness.

He is so flirty!

I will never give him a gift anymore. He doesn’t appreciate it anymore.

Never will he receive a reply to his text to me anymore.