Ang kakayahan ng mga nagtitiwala sa
Panginoong Jesus para mapagtagumpayanan ang mga pagsubok ay hindi nakasalalay
sa lakas nila kundi sa Diyos na nananahan sa kanilang mga puso. Hindi sila
ligtas sa mga suntok o problema sa buhay na tila banta sa kanilang katatagan.
Pero kung buo ang pagtitiwala nila sa Diyos na nagbibigay sa kanila ng
katatagan, masasabi din nila ang sinabi ni Apostol na si Pablo, “Kabi-kabilaan
ang pagpapahirap sa amin ngunit hindi kami nalulupig. Kung minsa’y nababagabag,
ngunit hindi kami nawawalan ng pag-asa.” (2 Corinto 4:8-9)
Tularan natin ang mga humaharap sa
mga problema na lubos na nagtitiwala sa Panginoon. Naniniwala silang sapat ang
kagandahang-loob ng Diyos sa kanila at alam nila na lalong nahahayag ang
kapangyarihan ng Diyos sa ating mga kahinaan (2 Corinto 12:9). Ang
pagtitiwalang iyon ang nagpapanatili ng ating katatagan.
Ang katatagan na ibinibigay ng Diyos
sa atin ay higit pa sa mga problemang pinagdaraanan natin. (2 COrinto 4:7-12)
No comments:
Post a Comment