WORTH TO LOVE

Kapag usapang pag-ibig, ano ang un among naiisip?

(Your side)..

Love.

Usapang makaka-relate ang lahat.

Usapang patok na patok ngayon lalo na sa mga kabataan.

Usapang sikat ngayon..

Sa true life, sa media life at kung saan-saan pa.

Usapang pinaghuhugutan ng lahat.

Usapang nakakapagpakilig, nakakapagpalungkot at madalas nakakapag-paiyak sa lahat.

Ano nga ba ang pag-ibig?

Love, pag-ibig, forever, destiny..

Isang salita ngunit napakalakas na impact sa mga tao. Sa panahon ngayon, gasgas na. Madalas ginagawang biruan mapa-text o chat.

Paano ba masasabing mahal mo na siya? O isang admiration, infatuation o baka isang lust lang? Ano ba ng tunay na kahulugan ng pag-ibig?

Sa pagbilis ba yan ng tibok ng puso? Sa pamamawis ng kamay? Sa pagiging utal kapag kaharap mo na siya? Kapag nami-miss mo siya? Sa walang humpay na text o chat? Kapag napapatawa at napapasaya ka niya? Kapag nasasaktan ka kapag may kasama siyang iba? Nagustuhan mo siya ng walang dahilan? O baka kapag kailangan mo na siyang kalimutan? Kailangan mo nang ipaubaya? O baka naman kailangan mo ng bitiwan?

Bakit minsan, kahit mahal na mahal niyo na ang isa’t isa ay napupunta pa rin sa hiwalayan? Bakit minsan yung gusto mo ayaw naman sa iyo? O madalas gusto niyo ang isa’t isa pero hindi naman puwede? Tapos sa huli, iiyak ka. Tapos ang tagal mo bago maka-move on? Tapos kapag may nahanap ka ng mas better, mamahalin mo na ulit? Tapos magiging cycle na. Paulit-ulit na lang. Hanggang sa puntong ayaw mo ng maniwala sa love. Lagi mong naiisip na walang gustong magmahal sa iyo, hanggang sa maubos ang oras mo kakaisip na bakit? Hindi ba ako worthy mahalin?

Sa tingin ko lahat naman tayo gustong maranasang magmahal at mahalin.

Ako rin. Isa ako sa libo-libo at milyon-milyong taong naghahangad niyan. Gustong maranasan ang pagmamahal ng isang tao. Taong hindi ka iiwanan sa hirap at ginhawa, sa lungkot at saya. Taong magmamahal sa iyo ng tunay at panghabang-buhay. Taong ipaglalaban ka. Iyong handang maging superman o batman man. Taong magmamahal sa iyo kahit sino at ano ka.

Isa ako sa mga taong naglalakad sa daan na nag-iisip kung kailan niya makakasalubong at makakabunggo ang taong nakalaan para sa kanya. Isa sa mga taong nakalaan para sa kanya. Isa sa mga taong nakasakay sa jeep at naka-earphone na iniisip na sana may mag-alay ng ganoong kanta sa kanya. Isa sa mga taong gusto siya pero mas gusto niya ang katabi ko dahil maputi at maganda. Iyong taong walang ka-holding hands at taga-dala ng bag. Iyong nauunang lumabas kapag uwian dahil walang kasabay at walang sumusundo. Taong always free kapag Valentines Day. Ako iyong second choice ng mga manliligaw ng kaibigan. Walang pila-pilang manliligaw. Iyong last choice kapag wala na talaga. At iyong puwede na, kaysa naman wala.

Gusto ko din naman na mayroong magmamahal sa akin. Gusto ko ng prince charming. Gusto ko ng knight in shining armor. Si superman. Gusto ko ng katulad nla. Deserve ko naman hindi ba?

Kailangan ko ng paglalaanan ng pagmamahal na ito. Punung-puno na ako. Sasabog na. Kailangan ko ng pagbubuhusan.

Asan na ba siya?

(GOD’S SIDE)

Sino ang unang naiisip mo kapag sinabing “Pag-Ibig?”

Ikaw anak.

Naiisip mo ba kung gaano kita kamahal?

Love..

Usapang makaka-relate ang lahat.

Usapang patok na patok ngayon lalo na sa mga kabataan.

Usapang sikat ngayon. Sa true life. Sa media life. At kung saan-saan pa.

Usapang pinaghuhugutan ng lahat.

Usapang nakakapagpakilig, nakakapagpalungkot at madalas nakakapagpaiyak sa lahat..

Pero kapag sinabing love, ang una mong naiisip ay ang taong mahal mo. Pamilya mo. Boyfriend o girlfriend mo. Asawa mo. Anak mo o mga kaibigan mo.

Naghahanap ka ba ng totoong kahulugan ng pag-ibig? Ako ang sagot sa mga tanong mo..

Naghahanap ka ng magmamahal sa iyo? Bakit hindi mo iniisip na andito naman Ako. Gusto mo ng may yayakap sa iyo? Simula ng ipanganak ka, balot ka na ng mga bisig ko. Lagi kitang niyayakap.

Hindi mo na kailangang humiling ng magmamahal sa iyo dahil umpisa pa lang may nagmamahal na sa iyo. Simula ng ipanganak ka at sa paglaki mo, minahal na Kita.

Kailangan mo ng taong laging nasa tabi mo? Ipinagbubuntis ka pa lang ng Mama mo ay binabantayan na Kita. Ginawa Ko ang buhok mo. Hinulma Ko ang bawat hugis at anggulo ng katawan mo mula ulo hanggang talampakan. Sinigurado Kong wala kang katulad sa mundo. Planado ko ang buhay mo.

Nandoon Ako ng simula kang maglakad, magsimula kang magsalita at tumawa. Nasa tabi mo Ako nang madapa ka at masugatan. Nang apihin ka, noong mag-isa kang kumakain sa school ay nandoon Ako. Alam Ko ang nararamdaman mo. Naiintindihan Kita.

Ang ang nag-utos na i-expand pa ang baga mo, takpan ang butas ng puso mo, hilumin ang sugat mo, pagalingin ang sakit mo. Ginamit Ko lang siya para mapasaya ka. Ako iyong gumawa ng dahilan para hindi ka pagalitan. Ako iyong nag-provide noong walang-wala ka na. Pinakain kita, pinainom kita noong nagugutom at nauuhaw ka. Ako rin iyong pinupuntahan at tinatawag mo kapag may kailangan ka at hindi mo na kaya. Naranasan mong mamuhay mag-isa. Iniwan ka ng lahat. Ikaw iyong lahat dinadamay mo kapag wala ka sa mood at mainit ang ulo mo. Sinisisi mo Ako kapag may dumaang malaking problema. Ikaw iyong naiinis kapag kino-correct. Nagtatanim ng galit. Ikaw iyong aayaw agad kapag may challenges. At iyong taong hindi marunong makuntento.

Hindi mo napapansin, andito lang ako. Ako ang tunay na nagmamahal sa iyo.

Ikaw ang isa biyun-bilyong tao na naghahanap ng pag-ibig sa maling paraan. Hindi mo na kailangang mag-isip pa ng magmamahal sa iyo dahil nandito lang Ako. Kasama Mo akong sumasakay sa jeep habang naka-earphones ka at iyong mga kantang pinapakinggan mo, kagaya din ng pagmamahal Ko sa iyo.

Hindi ka aware na maraming humahanga sa kagandahan at kaguwapuhan mo at sa pagiging simple mo. Marami din ang nagtangkang manligaw at magparamdam sa iyo pero hinarangan Ko silang lahat dahil gusto Ko, Ako muna ang mahalin mo. Dahil ayaw kong masaktan ka ulit. Ayokong maunawaan mo na trial and error ang pag-ibig.

May tao na Akong inilaan sa iyo. Sa ngayon, sa Akin ka muna. Kapag naranasan mo na ang Aking pagmamahal, matututunan mo na ding magmahal ng totoo.

Ako ang perpektong kahulugan ng pag-ibig.

Pinili Kita. Napakahalaga mo sa Akin..

Kailanman ay hindi Kita naging second choice, at hindi ka puwede sa no choice o kaysa wala.

You are worthy to be love.

I love you my son.

I love you my daughter..

Love,

Your Lord and Savior Jesus Christ

Sa panulat ni: Kesiah M. Cabrera

God Bless Us..

cabreraflorina.blogspot.com

ios.florinac@gmail.com