TAKE STOCK OF ONESELF

Noong nakaraang araw, nagpunta ako sa isang mall at napansin kong abalang-abala ang mga sales attendant na nag-iimbentaryo ng kanilang mga paninda. Inililigpit na ang hindi nabentang mga produkto noong nagdaang Pasko at naglalabas na rin ng panibagong bilihin. Kung sa negosyo ay mahalaga ang regular monitoring ng ating imbentaryo, mas lalong kailangan din ito sa ating personal na buhay para matiyak na tayo ay on the right track at patuloy din ang ating paglago. Take stock of oneself periodically.

Huwag mong hintayin na magsagawa ng performance evaluation ang kumpanya ninyo bago mo i-assess ang iyong buhay at trabaho. We must have the initiative to do this for ourselves. Ang sabi nga sa Lamentations 3:40, “Let us examine our ways and test them, and let us return to the Lord.”

Paano nga ba natin dapat suriin ang ating mga sarili?

1.Take stock of your excesses. Nitong nagdaang Pasko, tiyak na marami kang natanggap na regalo. Ilang bags, mugs, planner, shower gel, wallets, fruit cake at kung anu-ano pa ang naipon mo? Do you really need all of them o baka naman puwede mo itong ibahagi sa iba? Huwag mo ng hintayin ang susunod na Pasko para irecycle ang mga ito. Di ba ang sabi, “At magmula ngayon kahit hindi Pasko ay magbigayan.” Ipagpasalamat at ibahagi ang nag-uumapaw na biyaya na mayroon ka.

2.Assess growth areas in your life. Tiyak din namang mayroon tayong mga kakulangan at areas sa buhay o trabaho natin na kailangan nating matuto at lumago. Ang mga bagay na puwede mong pag-aralan, bigyan mo ng panahon at atensiyon para matutunan.

3.Pause and reflect on your relationship with God. Ang pinakamahalagang pagsusuri na kailangan nating gawin ay ang suriin ang ugnayan natin sa Diyos. Sino ang Diyos sa buhay mo? Is He truly your Lord? O sa tuwing may kailangan lamang tayo saka tayo nakaaalalang lumapit sa Kanya. Ang sabi ng misyonero na si Hudson Taylor, “Christ is either Lord of all, or He is not Lord at all.” Our devotion and obedience to God should not be seen on Sundays only. Mas lalong dapat itong nakikita Lunes hanggang Sabado sa ating ugnayan sa ating pamilya, mga kliyente at ka-opisina.

Di lamang imbentaryo ng mga produkto ang dapat na binabantayan natin. Suriin din natin ang ating mga sarili.

-Maloi Malibrain Salumbides

God Bless Us..

cabreraflorina.blogspot.com

ios.florinac@gmail.com