LUHA

Naaalala ko nung una ikinuwento mo ang mga luha

Luhang nangingilid sa bawat mata

Ang kagustuhang makaraos sa bawat hirap sa paghinga eto na nga

Iyak at luha ng bata na gumuhit ng saya sa labi ng ina

Sagot sa bawat panalangin, pagpapala sa iba

Luha-luhang simbolo ng hirap at simbolo ng tiyaga

Nang ako’y lumaki na muli kong natunghayan ang mga luha sa iyong mata

Ang luhang di kayang bayaran ng pera ng makita mo akong nakatungtong sa plataporma

Hawak-hawak ang diploma kasabay ang pagsabit mo ng aking medalya

Iyong luha, luha na may pananabik at punung-puno ng emosyong di kayang ilabas ng mga salita

Nang ako’y tumuntong sa pagkadalaga, nakita ko sa iyong mata ang luha ng pag-asa

Ako’y nakahanap ng marangal na trabahong humila pataas sa ating pamilya

Tiningnan mo ako sa mata, at sa bawat pagkakataon na palagi mo sa akin iyong ginagawa

Nararamdaman ko ang aking presensiya

Ang luha mong nagbigay ng pag-asa sa bawat isa.

Nasa harap ako ng simbahan kung saan nakatungtong ang aking mga paa

Ito ang araw na ako ay susumpa sa lalaking sa akin ay itinadhana

Naglalakad ako sa pasilyo ng muli kong matanaw ang iyong mga luha

Luha ng kasiyahan, ang luhang tatatak sa aking puso’t isipan

Na magdadala sa walang humpay na kaligayahan ang luha ng kagalakan

Ngayon aking ina, ang huling luha na nasilayan ko mula sa iyong mata

Ang luha ng kalungkutan

Ito na ang oras kung saan kailangan ko ng lumayo at bumuo ng sariling pamilya

Pero tandaan mo na sa bawat pagkakataon na tayo’y magkasama

Baon-baon ko ang iyong mga luha, luhang dadalhin ko kasama ang aking magiging anak at asawa

Ang luhang sa akin ay sumama hanggang sa dulo ng pag-asa, ito ay ang iyong luha..

God Bless Us..

cabreraflorina.blogspot.com

ios.florinac@gmail.com