BASTA MASARAP MAGING KRISTIANO

Hindi ko kailangan ng party at gimmick para sumaya.

Hindi ko kailangan magpakayaman para matanyag.

Hindi ko kailangang magkaroon ng model na asawa para sumikat.

Hindi ko kailangan ang malaking tahanan upang ma-fulfill.

Hindi ko kailangan ang mataas na degree upang maging influential.

Hindi ko kailangan ang pansin, papuri at halakhak ng tao para mapuno.

Sapat si Hesus sa lahat at kahit ako’y mawalan, hindi ako mahirap.

Sapat ang Ama, ang Kanyang pansin, ang Kanyang mata at ang Kanyang haplos upang ako’y makumpleto.

Sapat ang Banal na Espiritu sa Kanyang pang-aaliw upang ako’y sumaya, sumigla at maging makapangyarihan.

Kung hihingiin ni Lord ang aking sasakyan ay ibibigay ko. Kung ako ay maglalakad ulit ay ibabalita ko pa.

Hindi ko susumbatan ang Dios sa edad kong matanda na. Ang mahalaga ay ang kapayapaan sa pagtulog, galak sa gitna ng problema, tiyaga sa pangit na pangyayari at pag-ibig sa panahon ng pakikipagtunggali ay masagana kong nararanasan.

Basta masarap maging Cristiano!!

-Ptr.Manny Santiago