LIMANG DALIRING PANALANGIN

Magpanalanginan sa isa’t isa.

-Santiago 5:16

Isang pakikipag-usap sa Dios ang panalagin, hindi isang panimula. Ngunit minsan gumagamit tayo ng paraan upang pasariwain ang oras ng pananalangin. Magagamit natin ang mga Awit o ibang talata ng Kasulatan tulad ng “Lord’s Prayer”, o ang ACTS – Adoration (pagsamba), Confession (paghayag ng pagsisisi), Thanksgiving (pagpapasalamat), at Supplications (paghiling.) Kamakailan, nabasa ko ang tungkol sa paraang “Limang Daliring Panalangin” na puwedeng gamiting patnubay sa pananalangin:

-Sa paglalapat ng ating mga palad, ang hinlalaking daliri ang pinakamalapit sa iyo. Kaya makapagsisimula ka sa pananalangin para sa mga taong malalapit sa iyo – ang mga mahal mo sa buhay (Filipos 1:3-5).

-Ang hintuturo ay panturo. Ipanalangin ang mga nagtuturo – guro sa Biblia, mga tagapagpahayag, at titser sa Sunday School (1 Tesalonica 5:25).

-Ang pang-gitnang daliri ay ang pinakamahaba o pinakamataas. Paalaala ito na ipanalangin ang matataas o mga pinunong may awtoridad, pambansa man at local, at pang-iglesia at pang-trabaho (1 Timoteo 2:1-2).

-Ang ika-apat na daliri ay ang pinakamahina. Ipanalangin ang mga namomoroblema at ang mga nagtitiis ng hirap (Santiago 5:13-16).

-Ang ika-lima ay ang maliit na daliri. Paalaala ito ng kaliitan mo sa harap ng napakadakilang Dios. Manalanging ibigay ang lahat mong pangangailangan (Filipos 4:16, 19).

Anumang paraan ang gamitin, basta makipag-usap sa Ama. Nais Niyang marinig ang laman ng iyong puso.

ISINULAT NI: ANNE CETAS

“Tumataas ating dalangin sa trono sa itaas

Anumang paraan o porma ang gamitin;

Laging dinirinig ng Ama, dalangin ng Kanyang anak

Anumang salita ang piliing gamitin.”

HINDI ANG MGA SALITANG BINIBIGKAS ANG MAHALAGA KUNDI ANG KALAGAYAN NG ATING PUSO.