MGA DAHONG MAALIKABOK

Ipahahayag ko ang aking pangalan sa Panginoon; at Iyong ipinatawad ang bigat ng aking kasalanan.

-Awit 32:5

Nagdagdag ng buhay sa aming bahay ang binili kong rubber plant (halamang kinukunan ng goma.) Ngunit isang umaga ang mga dahon nito ay naluoy, tila matamlay na matamlay. Di ko maunawaan kung anong nangyari.

Nang umuwi ako para mananghalian, nagbago ang halaman. Tulad ito noong kabibili ko na lamang. Berdeng-berde at nakatuwid ang mga dahon, buhay na buhay. Nang tanungin ko si Dorothy tungkol sa pagbabago, may nabasa raw siya na para laging sariwa at masigla ang dahon ay pahiran ang alikabok araw-araw. Natatakpan ng alikabok ang mga ito at hindi nasisinagan ng liwanag. Ginawa niya ito at ang resulta ay katakataka.

Sa buhay natin sa mundo ay may mga “pira-pirasong” kasalanang madaling naiipon sa ating buhay. Mga galit, mararahas na salita, maruming isip at makasariling ugali – lahat ay nagpapalupaypay sa espiritwal nating kasiglahan. Kung hindi sila agad ihahayag sa Panginoon, magkakasapin-sapin ang alikabok ng kasalanan at hahadlang para maranasan sa puso natin ang biyaya ng Dios. At mahahalata ng nakapaligid sa atin na tumatamlay tayo. Kung natambak na ang mga kasalanan sa kaluluwa mo na di mo naihayag, gawin ang ginawa ni David – ihayag at pagsisihan sa harap ng Panginoon (Awit 32:5.)

Pahiran lahat ang maalikabok na dahon ng iyong buhay, at tamasahin muli ang maluwalhating liwanag ng pag-ibig ng Dios.

-Dennis De Haan

“Sa harap ng Krus na kinamatayan ni Cristo

Nagpapatirapa ako, humihingi ng tawad;

Sa bawat kasalanang ihahayag sa Kanya

Siya’y naging lahat, lahat sa akin.”

ANG PAGPAPAHAYAG NG KASALANAN AY NAGPAPASOK NG LIWANAG NG KAPATAWARAN NG DIOS.